‘Alles is meugelijk veur wel as geleuft’

Op zundag 17 oktober is der in de Magnuskerk van Anloo weer een kerkdienst in de Drèentse streektaol. Een dienst met een biezunder karakter dus. Even wennen veur wel het Drèents niet ieder dag sprek of zingt, maor de mieste kerkgangers, ok de niet-Drenten kriegt het mieste van wat der zegd wordt toch waL met...

Het thema van dizze dienst is ‘Alles is meugelijk veur wel as geleuft’ en dat is een oetspraak van Jezus die de neudige misverstanden opreupen hef. Dèenk allien al ies an gebedsgenezers die dizze oetspraak hiel letterlijk nammen, met alle verschrikkelijke gevolgen van dien. Gelukkig kuj ’t ok aans lezen en aans toepassen.
Veurganger in dizze dienst is domnee Hans Katerberg. Hie was tot 2016 domnee in Raol en is non met emeritaat. As geboren Drent (Zwinderen, gem. Oosterhesselen) kent hie het Drèents van hoes oet. De dienst begunt um tien uur.

Neisgierig worden? gewoon kommen, elkenien, geleuvig of niet, is van harte welkom!