27 jannewaori: Drèentse dienst in Dörpskerk

Ien van de grootste vraogstukken van oeze tied is het vrömdelingenvraogstuk. Wel mag der in kommen en giet der bij heuren en wel niet?

Non kuj niet veur elke moderne vraoge direct in de biebel terecht (het woord klimaat bijveurbield kenden zie toen echt niet), maor het vrömdelingenvraogstuk was ok twiedoezend jaor leen al biezunder groot. En de biebel hef een antwoord, al is dat antwoord niet makkelk en al möt zölfs iene as J. van Nazareth - toch niet de eerste de beste - der even an wennen...

Daor hej dan metien het thema van de kerkdienst (in Drèents) van zundag 27 jannewaori in de dörpskerk van Zuudlaoren. Veurganger is domnee Hans Katerberg oet Börger.
Elkenien is welkom, Drenth of gien Drenth, en mag der ok dize zundag hielmaol bij heuren.
Het begunt um tien uur.